Our history
“Ногоон санхүүжилт - Бүс нутгийн чуулган”-ы үеэр Банк, санхүүгийн салбарын дэмжлэгээр “Тэрбум мод үндэсний хөдөлгөөн”-ийг дэмжих Санг үүсгэн байгуулах санаачилгыг эхлүүлэв.
Салбарын мэргэжлийн байгууллагууд, хамтрагч, дэмжигч, хандивлагч байгууллагуудын төлөөллүүдээс төсөл сонгон шалгаруулах удирдамж дээр санал авав. Үүнд: ЕТГ, БОАЖЯ, Ойн газар, банкнуудын төлөөлөл Ойн салбарт үйл ажиллагаа явуулж буй мэргэжлийн байгууллагуудтай уулзалт зохион байгуулав.
“Бүх нийтээр мод тарих үндэсний өдөр”-ийн өдөрлөгт оролцож Тэрбум Мод Сангийн үйл ажиллагааны талаар МУ-ын хэмжээнд үйл ажиллагаа явуулж буй мод үржүүлэгчдийн төлөөлөлд мэдээлэл өгч санал солилцлоо.
“Ой модны салбарын эмэгтэйчүүдийг чадавхжуулах” – сургалт семинарт сангийн Гүйцэтгэх захирал Б.Баярмаа панелистаар оролцож, сангийн үйл ажиллагааг танилцуулав.
Удирдах зөвлөлийн гишүүн Хаанбанкны Гүйцэтгэх захирал Р.Мөнхтуяа үндэсний чуулганд панелистаар оролцож, сангийн үйл ажиллагааг танилцуулав
Чингэлтэй дүүргийн иргэдийн амьдрах орчны чанар, нөхцөлийг дээшлүүлж, ногоон байгууламжийг нэмэгдүүлэх, орчны тохижилтыг сайжруулах, агаарын бохирдлыг бууруулах, төр хувийн хэвшлийн түншлэлийг бэхжүүлэх зорилгоор Чингэлтэй дүүргийн Засаг даргын тамгын газартай хамтран ажиллах санамж бичиг байгуулав.
Олон улсад Нүүрстөрөгчийн хийг тооцуулахад Ололт уур амьсгалын өөрчлөлт нүүрстөрөгчийн зах зээлийн хөгжлийн төвтэй хамтын ажиллагааны санамж бичгийг байгуулан үндэсний анхны карбоны зах зээлийн механизм болох “Монголын Ойн Нүүрстөрөгчийн Хөтөлбөр”-ийг албан ёсоор эхлүүлсэн жил байлаа.
Баянзүрх дүүрэгтэй хамтран Олон улсын эко цэцэрлэгт хүрээлэнгийн 14 га газарт Сан болон ЗДТГ-ын харьяа Олон улсын эко цэцэрлэгт хүрээлэнд ойжуулалт, цэцэрлэгжүүлэлтийн ажил хийхээр хамтран ажиллах гэрээ байгууллаа.
МУИС-ын харъяа Экологийн боловсролын төв, Тэрбум Мод сан, ХБНГУ-ын Гарден, ландшафтын тэргүүлэх компани “Gartenhof Küsters” компанийн захирал Бэнжамин Кюстерстэй хамтран цэцэрлэгийн орчин, ногоон байгууламжийн төлөвлөлтийн дадлагад суурилсан 5 хоногийн сургалт зохион байгуулж, энэхүү сургалтад оролцогчид хамтран Монгол улсад анх удаа шавжийн зочид буудал байгуулав.
Монгол улсад банкны салбар үүсч бэхэжсэний 100 жилийн ойн хүрээнд байгуулсан санхүүгийн бухын нээлтийн үйл ажиллагаа болон хөшөөны ойр орчмын ногоон байгууламж болон тохижилтын ажлыг хийж гүйцэтгэлээ.
21 аймагт байгуулж буй банкны нэрэмжит төглүүдээс хамгийн эхний төгөлийн нээлт Архангайд аймагт боллоо.
Дэлхийн банкны хэрэгжүүлж буй “Green Resilience Landscapes in Mongolia” техник туслалцааны төслийн нээлтийн хурал, хэлэлцүүлэгт Тэрбум мод сангийн Гүйцэтгэх захирал Б.Баярмаа сангийн талаар мэдээлэл, танилцуулга хийлээ.
Өмнөговь аймагт зохион байгуулсан “Эвийн төгөл” төслийн нээлтийн үйл ажиллагаанд оролцон сангийн үйл ажиллагааг танилцуулж, хамтын ажиллагааны санамж бичиг байгуулан хамтран ажиллах хэлцэл хийв.
Ой, модны салбарын эмэгтэйчүүд болон мэргэжилтнүүдийг чадавхжуулах, хамтын ажиллагааг бэхжүүлэх, мэдлэг, чадвараа хуваалцах нөхцлийг бүрдүүлэх зорилгоор “МОД ҮРЖҮҮЛЭГ, ОЙН НӨХӨН СЭРГЭЭЛТ” үзүүлэх сургалт семинарыг анх удаа “Ой тогтвортой байдал эмэгтэйчүүд” холбоо болон Засгийн газрын хэрэгжүүлэгч агентлаг - Ойн газартай хамтран зохион байгууллаа.
Бид хамтын ажиллагаагаа жилээс жилд өргөжүүлэн тэлж олон улсын байгууллага, нийгмийн төлөөллүүдээс хандив, хөрөнгө мөнгө татан төвлөрүүлж, санхүүгийн тогтвортой менежментийг ойн салбарт бий болгох зорилгын хүрээнд ажиллан, сангийн үйл ажиллагааг сурталчлан таниулснаар Америкийн нэгдсэн улсад суралцаж байгаа Монгол оюутнуудаас мод тарих үйлсэд зориулсан анхны хандивыг хүлээн авлаа
Сингапур улсад зохион байгуулагдсан “Финтек фестивал 2024” -д оролцон сангийн үйл ажиллагааг танилцуулав
ХБНГУ-д хотын ногоон байгууламж, тохижилт, ландшафтын төлөвлөлт, гүйцэтгэл, танин мэдэхүйн ногоон тохижилт-гартен, ойжуулалт, ойн менежмент зэрэг чиглэлээр туршлага судлах аялал зохион байгуулж Ерөнхийлөгчийн тамгын газрын Бодлогын хэрэгжилтийн газар, Засгийн газрын хэрэгжүүлэгч агентлаг Ойн газар, МУИС- Экологийн боловсролын төвийн удирдлага төлөөллүүд хамрагдав. Цаашдын том ажлын эхлэл тавигдлаа.
Тэрбум мод сан хамтын ажиллагааны хүрээнд Засгийн газрын хэрэгжүүлэгч агентлаг Ойн газар, МУИС-ийн Экологийн боловсролын төв, ХБНГУ-ын “Гарденхоф Кюстерс” компани, “Глобо” сургалтын төв зэрэг байгууллагуудтай хамтран 2025 оны 3 дугаар сарын 12-ны өдөр ХАРИЛЦАН ОЙЛГОЛЦЛЫН САНАМЖ БИЧИГ байгууллаа.
Хамтын ажиллагааны гол чиглэлүүд: - Монгол Улсад тогтвортой ойн менежмент, ногоон хөгжлийг дэмжих ойн нөхөн сэргээлтийн хамтын ажиллагааг бэхжүүлэх - STREAM+ болон SPACES II төслүүдийн хамтын үйл ажиллагаанд хамтран ажиллах - Ойн салбарын техникийн чадавхыг нэмэгдүүлэх - Хариуцлагатай, тогвортой ойн аж ахуйн нэгжүүдийг дэмжих - Ногоон технологи нэвтрүүлэх
эрбум мод тарих үндэсний өдөр"-ийн хүрээнд уур амьсгалын өөрчлөлт, цөлжилт, газрын доройтлыг бууруулахад хувь нэмэр оруулах, ой усны нөөцийг хамгаалж нэмэгдүүлэх, экологийн тэнцвэрт байдлыг хадгалах, олон нийтэд сурталчлах мод тарьж арчлан ургуулах ажлыг дэмжин банкны салбарын оролцоог ханган бүх нийтээр мод тарих үйлсийг дэлгэрүүлэхээр Монголбанк, Монгол Улсын Хөгжлийн банк, Монголын банкны холбоо, Хаан банк, Голомт банк, Худалдаа хөгжлийн банк, Төрийн банк, Хас банк, Капитрон Банк, Ариг банк, Тээвэр хөгжлийн банк, Богд банк, Чингис Хаан Банк, Үндэсний Хөрөнгө Оруулалтын Банк, ТоС Холбоо зэрэг байгууллагуудын төлөөлөл Гачууртад байрлах Олон улсын эко цэцэрлэгт хүрээлэн (International Garden of Mongolia)-д бүх нийтээрээ мод тарилаа.
Санамж бичгийн хүрээнд тогтвортой хөгжлийг таниулах, байгаль хүрээлэн буй орчинд ээлтэй мод тарих, ногоон орчныг нэмэгдүүлэх үйл ажиллагааг дэмжих, уур амьсгалын өөрчлөлтийн эрсдлийг бууруулах чиглэлээр хамтран ажиллаж бүтээгдэхүүн, төсөл, хөтөлбөрүүдийг хамтран хэрэгжүүлж, харилцан бие биенийхээ үйл ажиллагааг дэмжин ажиллах юм.
“Тэрбум мод үндэсний хөдөлгөөнийг дэмжих сан” нь дэлхийн соёлын өвд бүртгэгдсэн Орхон голын сав газар энэ хөндийд Хархорум хотын “Их хаадын цэцэрлэгт хүрээлэн”-д нийт 3,616 ширхэг шилмүүст мод тарьж, Хархорум хотын бүтээн байгуулалтын суурь тавилцлаа.
Монголбанк, Бреттон Вүүдсийн дахин зохион бүтээх хороо (Reinventing Bretton Woods Committee) хамтран “Нийлүүлэлтийн саатал болон худалдааны шоктой үе дэх дэлхийн эдийн засаг: Мөнгөний бодлогын үр нөлөө” сэдэвт олон улсын хурлыг 2025 оны зургадугаар сарын 19-21-ний өдрүүдэд Улаанбаатар хотноо зохион байгууллаа. Монголбанкны 100 жилийн ойг тэмдэглэх ажлын үргэлжлэл болгон зохион байгуулсан хэлэлцүүлэгт 15 орны 20 гаруй төлөөлөгч оролцсон юм. Төлөөлөгчид хэлэлцүүлгийн сүүлийн өдөр Олон улсын цэцэрлэгт хүрээлэнд /IGM/ нарс мод тарьж, Тэрбум мод үндэсний хөдөлгөөнд хувь нэмрээ оруулцгаалаа.
Банкны салбарынхан 50 сая мод тарих амлалтынхаа хүрээнд Тэрбум мод сангаас хэрэгжүүлж байгаа гол төслүүдийн нэг нь Улаанбаатар хот болон 21 аймагт банкны төгөлийг 2024 оноос байгуулж эхэлсэн. Энэ удаад Баянхонгор аймагт банкны төгөл байгуулах ажлыг албан ёсоор эхлүүллээ.
Монгол Улсад орчин цагийн банкны тогтолцоо үүсэж, бэхэжсэний 100 жилийн ойн хүрээнд Говь-Алтай аймагт “БАНКНЫ ТӨГӨЛ” байгуулна.
Өнөөдрийн байдлаар Сэлэнгэ аймгийн Алтанбулаг болон Хушаат суманд доройтсон ойг нөхөн сэргээж, унаган төрхөнд нь оруулах үүднээс нийтдээ 1000 га газарт 2.875.000 ширхэг шилмүүст мод тариад байна.
“Тужийн нарс” байгалийн цогцолборт газрыг нөхөн сэргээх ажилд ХААИС-ийн эрдэмтэд хувь нэмрээ оруулж байна. Тэд энэ удаад манай ойн салбарт өмнө нь ашиглаж байгаагүй хүчилтөрөгчийн нанобөмбөлгийн аргаар бойжуулсан мод тарих технологийг түгээн дэлгэрүүлэх төслийг гурван жилийн өмнөөс хэрэгжүүлж эхэлсэн.
Ийнхүү сургалтын хөтөлбөр, сурагчдын боловсролын чанарт анхаарч байгаа энэ сургуулийн хамт олонд Тэрбум мод сангийнхан санхүүгийн дэмжлэг үзүүлэн хүүхдэд ээлтэй ногоон орчинг байгуулан өгч байгаа
Тэд өнөөдөр ийм л цаг уурын хүндхэн бэрхшээл дунд амьдарч байна. Тэгвэл Тэрбум мод сангийнхан сумын төв рүү салхилах үндсэн чиглэлийг хааж, баруун хойд тал буюу Улаан жирэм гэдэг газарт 2 га талбайд 120 мянган ширхэг мод бүхий ойн зурвасыг байгуулах төслийг 2025 оны хавар эхлүүлэн, санхүүжүүлэн ажиллаж байна
“Тэрбум мод сан” нь НҮБ-ын Хүүхдийн сан болон Creditech CTM NBFI ХХК-тай 2025 оны 6-р сарын 9-ний өдөр Харилцан ойлголцлолын санамж бичиг байгуулсан. Энэхүү санамж бичгийн хүрээнд Сан сонгогдсон сургууль, цэцэрлэгийн гаднах талбайг тохижуулан, мод тарьж, зүлэгжүүлж өгөх бол НҮБ-ын Хүүхдийн сан, Creditech CTM NBFI ХХК нь сургууль, цэцэрлэгийн барилгын дотоод талбайд бичил ногоон орчин, хөрсгүй орчинд хүнсний ногоо тариалах гидропоник байгуулах замаар экологийн цэвэр, эрүүл хүнс хэрэглэх нөхцөлийг бүрдүүлэн, мөн агаар цэвэршүүлэгчийг нийлүүлэхээр харилцан тохиролцон ажиллаж байна.
Тэрбум мод сан арилжааны банкуудтай төсөл, хөтөлбөр хамтран хэрэгжүүлэх тухай гэрээнд гарын үсэг зурлаа.
Friends of Asia and Asian Forests forum буюу Азийн ойн нөхөрлөлийн (FAAF) гуравдугаар форумын үеэр Тэрбум мод сан Азийн ойн хамтын ажиллагааны байгууллагатай хамтран ажиллах санамж бичигт гарын үсэг зурлаа.
“Эрдэм шинжилгээний бага хурал дээр Тэрбум мод сангийн санхүүжилт шинэлэг технологи, салхинаас хамгаалах ойжуулалтын туршилтыг амжилттай хэрэгжүүлж, цөлжилттэй тэмцэх бодит шийдэл бий болгож буйг эрдэмтэд онцлон сайшаав.”
Ойн салбарынханд зориулсан зээлийн бүтээгдэхцийн талаар Төрийн банктай анхны уулзалт хийж, хамтын ажиллагааны боломжийг хэлэлцэв.
