Тэрбум мод сангийн Гүйцэтгэх захирал Б.Баярмаа: манай сан Монголбанкны бодлогын дэмжлэг, арилжааны банкуудын хамтран байгуулсан сан. Харин бидний ажиллаж байгаа талбар ойн салбар. Иймд, энэ 2 салбарын хамтран хөгжих гүүр нь болохыг зорьж, энэ удаагийн сургалтыг ойн мэргэжлийн ААН олонтой аймгуудад зохион байгуулж байна гэдгийг онцолж байсан юм. 

“БАНК БА ОЙН САЛБАРЫНХАН” хамтарсан сургалтын үеэр Хаанбанк, Төрийн банк, Голомт банкныхан  ямар шалгуур хангаж ногоон зээл авах вэ, ойн салбарынханд олгож байгаа зээлийн бүтээгдэхүүн, хотод тусгайлан хүлээн авч үйлчлэх салбараа ч танилцуулсан юм. Мөн банкныхан гэрээ барьцаалсан зээл олгож эхэлснийг ойн салбарынхан нэн таатай хүлээж авлаа. Өөрөөр хэлбэл орон нутгийнханд мэдээлэл дутмаг байсан орон зайг энэ удаагийн сургалт нөхөж,  Амар даатгалынхан  байгаль цаг уурын эрсдэлтэй орчинд үйлдвэрлэл нь явагддаг онцлогтой ойн салбарынханд  тохирох бүтээгдэхүүнээ энэ үеэр танилцуулж, сонирхсон асуултад нь хариулт өгч, хамтын ажиллагаагаа өргөжүүлэх шинэ гарцуудаа судалж байсан юм.    

“БАНК БА ОЙН САЛБАР” сургалт энэ сарын 22-нд Сэлэнгэ аймагт, 24-нд Хөвсгөл аймагт болно.